宏福苑居民有錢退 所以政府合安點會做唔到野！/文杰新時代/2026年5月20日

宏福苑居民有錢退 所以政府合安點會做唔到野！ 講起大埔宏福苑嗰場五級大火，相信好多香港人都仲好有印象。當時見到火光熊熊，真係好令人心痛。話咁快件事都過咗一段時間，大家最關心嘅，梗係班居民而家點樣？重建嘅進度又去到邊？ 老實講，處理咁大件事，涉及幾千個業主同幾億嘅大數目，程序多到暈，通常都會搞好耐都未見進展。但今次宏福苑嘅善後工作，真係令我刮目相看。喺政府統籌之下，委任咗「合安管理有限公司」入去做管理人。睇返最近嘅消息，我真係要畀個「讚」佢哋，成個重建計劃終於步向正軌，仲處理得非常之有系統。 合安喺呢段時間開咗兩場網上簡介會，今日第二場簡介會就完咗啦，睇下佢哋點樣幫到一眾業主。 第一，最令業主振奮嘅，一定係關於錢嘅安排。合安接手之後，喺極短時間內查咗超過 80 萬份文件，處理咗大維修基金嘅賬目。佢哋交代得好清楚，目前大維修戶口連埋啲保證金，夾埋有成 1.27 億港元現金！合安已經承諾會按業權份額退返畀業主。 如果你係交齊咗 6 期維修費嘅業主，大約可以攞返 8 到 10 萬蚊。合安今日係簡介會交代話，最快下個月 10 號就會開始派支票，呢個速度同透明度真係冇得頂。好多業主聽完簡報會都話，以前啲數不明不白，而家有晒數據同日期，真係踏實好多。 另外，仲有「解說專隊」，喺不同地區設服務站，業主可以預約見面問詳情。合安仲整咗業主專屬網頁，寄咗登入資料畀每戶業主，而家已經有 700 多戶成功登入查閱退款資料。如果未收到信，可以憑郵政卡去大埔郵政局拎，或者搵合安、區議員幫手。呢啲貼心安排，令到資訊傳達更加直接同高效。 第二，除咗錢，居民最緊張嘅就係屋企入面啲貴重嘢同私人回憶。政府同合安喺呢方面做得好細心，安排咗居民分批上樓執拾，仲開放埋升降機，唔使大家行到斷氣。現場仲有警員、社工同關愛隊喺度支援，特別係對住一啲情緒受影響嘅居民，提供即時嘅心理輔導。而第二輪嘅上樓安排，聽取咗居民意見之後，流程更加順暢。呢種「以人為本」嘅做法，真係要加分。 其實老實講，合安今次係以「義務形式」接手，唔收行政費，但佢哋都好積極咁幫屋苑搵外部資源，例如宏志閣嗰幾部升降機嘅保養費，就係由「龔如心慈善基金」撥款幫手，完全唔使郁到法團個戶口。另外，東華三院亦都好慷慨，攞咗 1,000 萬出嚟，為有需要嘅業主提供免費法律援助，名額有成千個。呢啲咁實質嘅幫忙，對於正處於困境嘅居民嚟講，真係及時雨。 老實講，呢啲咁複雜嘅災後善後，如果唔係有合安呢種咁專業、咁肯承擔嘅團隊入去做，我諗而家大家仲係喺度徬徨緊。佢哋做事唔係「報喜不報憂」，而係老老實實話畀大家聽宏志閣復修要幾錢、要幾耐，等業主掌握充分資訊去決定未來。 而家見到退款有期、上樓有序，成件事步向穩定，真係好彩有合安接手，重建之路先可以行得咁順利。希望各位業主可以繼續同管理團隊合作，大家同心協力，早日重拾安穩嘅生活！ 文杰的FACEBOOK https://www.facebook.com/Manley-Lau-%E5%8A%89%E6%96%87%E6%9D%B0-412565682646738/ 文杰的微博: https://weibo.com/u/7467560714 報料WHATSAPP:66229400 #特朗普 #委內瑞拉 #石油 #馬杜羅 #華為 #賴清德 ＃張敬軒 #高市 #高市早苗 日本侵華 #陳方安生 #彭斯 #黎智英 #李家超 #人大釋法 #人大 #國安委 #司法覆核 #黃絲 #手足 #通關 #辛偉誠 #釋放黎智英 #梁振英 #李柱銘 #何俊仁 #李永達 #李宇軒 #王喜 #黃絲 #手足 #浸大 #方仲賢 #伯明翰 #伯明翰破產 #英國伯明翰 #加拿大救生艇計劃 #加拿大 #加拿大streamb #加拿大移民 #streamb加拿大 #救生艇計劃 #移民加拿大 #加拿大stream #移英 #移英港人 #移英日誌 #黃絲 #手足 #bbc #bno #bno移民 #bno英國 #bno簽證 #bno香港 #bno移民英國 #bno平權 #英國氣溫 #周庭