黑暴聯盟殺入學校 話831死人 嚇爆家長！學生隨時被洗腦變黃黑！/文杰新時代/2026年10月6日

黑暴聯盟殺入學校 話831死人 嚇爆家長！學生隨時被洗腦變黃黑！ 開學冇幾耐，屯門有間中學嘅學生會選舉就搞出一場風波。有個候選內閣竟然搵網紅組織「白卡聯盟」幫手拍片拉票，片尾仲有成員對唔投票嘅同學口出狂言。段片一出就引起好大迴響，好多家長都好擔心。 一條片，點解咁多人擔心？只要睇吓白卡聯盟嘅紀錄就明白 * 2023年：「勇狗」等成員喺九龍城潑水節用水槍射警員同無綫新聞人員，襲警同普通襲擊等罪成，被判監； * 2024年5月：「光頭Bob」用可樂淋、用鐵鎚整爛黃家駒嘅墳墓，被判入更生中心； * 2025年10月：有成員懷疑同幾個YouTuber唔啱，就寄夾住刀片嘅恐嚇信。警方拘捕7名成員，最細嗰個得13歲。 由網上搏出位，到水槍射警、毀人墳墓，再到寄刀片恐嚇，一步一步愈嚟愈暴力。連13歲嘅少年都捲入刑事案，就知道呢類歪風對年輕人嘅殺傷力有幾大。要知道，刑事恐嚇罪最高可以判監5年。正如警方所講，互聯網唔係法外之地。 值得一讚嘅係，事件曝光之後，涉事內閣已經道歉，亦下架咗段片；校方亦已經跟進，同埋提供輔導。學生年紀輕，一時唔小心可以理解，最緊要係知錯能改。 不過，呢件事都提醒家長、老師同社會：年輕人追捧嘅「流量」，背後可能係一條通往違法同暴力嘅路。 如果話白卡聯盟係「流量陷阱」，咁更加要提防嘅，就係專登瞄準年輕人嘅政治謊言。 《香港國安法》實施咗六年，香港已經由亂到治，社會整體回復穩定。但係，危害國家安全嘅暗湧仍然存在，「軟對抗」愈嚟愈貼近我哋嘅下一代，甚至滲入校園。最典型嘅例子，就係「831」。 「831太子站打死人」根本係謠言。警方早就公開咗當晚嘅行動經過同傷者數字，消防處同醫管局亦多次交代救護同送院紀錄，清清楚楚，當晚冇任何人死亡。 至於反中亂港分子年年「悼念」嘅所謂「死者」韓寶生，其實就係王茂俊。佢2020年已經親自拍片現身，證明自己仲在生，而家人喺英國。諷刺嘅係，佢身負暴動等八項控罪，冇出庭應訊就走咗去英國。 既然早就證實係假，點解年年都有人搬出嚟講？道理好簡單：大話講得耐，連自己都信埋。要呃人，先要呃自己。 今年8月31日晚，有人喺港鐵太子站外面拎住花「悼念」，期間有人叫煽動口號，亦有網媒人揸住黃傘喺現場直播。 國安處隨即跟進，分幾輪拘捕咗8個人： * 9月3日：拘捕三男女，年齡由33歲到79歲，包括「旺角鳩嗚團」成員陳冠旭同前區議員馮競文； * 9月27、28日：再拘捕三人； * 9月30日：喺佐敦拘捕網媒「爆炸頭」網主鄧浩榮等兩人，鄧涉嫌喺831當晚喺太子站外散播假訊息煽動。 • 佢哋涉嫌觸犯《維護國家安全條例》第24條「出於煽動意圖作出具煽動意圖的作為」罪，最高可以判監7年；如果同境外勢力勾結，最高可以判監10年。 點解要咁緊張？因為呢啲謊言瞄準嘅，正正係年輕人。 有政界人士指出，近年有人喺英國、美國、加拿大等地揀敏感日子搞「悼念」集會，再同本地人士裏應外合，透過街頭活動同網上抹黑，將仇警同反政府情緒帶入校園。事實上，今年831當晚，太子站附近就有唔少年輕人停低圍觀，有啲甚至一齊參與，神情迷惘，好似被現場氣氛帶住走。 呢個擔心絕對唔係無中生有。非法組織「香港民主建國聯盟」由被通緝嘅姜嘉偉創立，鼓吹「港獨」，曾經招攬兩名自閉症青年同一名15歲中學生入會。兩名青年喺網上群組討論黨章、制裁中港官員嘅提案，被捕之後一個話為咗攞加拿大政治庇護，一個話出於好奇。結果，兩人承認《香港國安法》下嘅串謀分裂國家罪，今年9月喺區域法院分別被判監36個月同38個月；嗰個中學生亦被判監42個月。 搞手喺海外叫人衝，自己就鬆人，最後坐監嘅係被利用嘅年輕人。手法之卑劣，令人髮指。 有人一聽到網媒人被捕，就即刻大叫「打壓新聞自由」。不過，警方針對嘅係涉嫌煽動嘅行為，唔係記者呢個身份。將一單刑事案上綱上線講成政治迫害，其實係偷換概念。 況且，鄧浩榮由2020年開始經營「爆炸頭」網媒，本質上係自媒體。揸住黃傘直播「悼念」，究竟係客觀報道，定係立場先行？一件早就證實係假嘅事年年拎出嚟講，究竟係追尋真相，定係借題抽水、搏流量？市民心中自有答案。 海外反中亂港分子揀美國中期選舉之前呢類敏感時刻搞事，本地又有人配合造勢，動機好明顯。國安處今次果斷出手，正正展示咗「違法必究、執法必嚴」嘅決心。 由屯門嗰條拉票片，到太子站外嘅所謂「悼念」，表面上係兩件事，其實都係同一個警號：有人想利用年輕人。白卡聯盟由搏出位一路升級到寄刀片；2019年黑暴，亦都係由一連串謊言同抹黑催生出嚟。千萬唔好以為假新聞同網上歪風係小事。 所以，政府、學校、家長同社會一定要齊心，及早撲滅苗頭，守護好下一代，香港得來不易嘅安寧先至守得住。 文杰的FACEBOOK https://www.facebook.com/Manley-Lau-%E5%8A%89%E6%96%87%E6%9D%B0-412565682646738/ 文杰的微博: https://weibo.com/u/7467560714 報料WHATSAPP:66229400 #特朗普 #委內瑞拉 #石油 #馬杜羅 #華為 #賴清德 ＃張敬軒 #高市 #高市早苗 日本侵華 #陳方安生 #彭斯 #黎智英 #李家超 #人大釋法 #人大 #國安委 #司法覆核 #黃絲 #手足 #通關 #辛偉誠 #釋放黎智英 #梁振英 #李柱銘 #何俊仁 #李永達 #李宇軒 #王喜 #黃絲 #手足 #浸大 #方仲賢 #伯明翰 #伯明翰破產 #英國伯明翰 #加拿大救生艇計劃 #加拿大 #加拿大streamb #加拿大移民 #streamb加拿大 #救生艇計劃 #移民加拿大 #加拿大stream #移英 #移英港人 #移英日誌 #黃絲 #手足 #bbc #bno #bno移民 #bno英國 #bno簽證 #bno香港 #bno移民英國 #bno平權 #英國氣溫 #周庭