香港對VS新加坡 新簡樸房比口袋房更好！/文杰新時代/2026年8月22日

香港對VS新加坡 新簡樸房比口袋房更好！ 講起「劏房」，我相信好多人第一時間都會諗起香港。但大家又知唔知，原來連亞洲住宅租金最貴、以組屋政策聞名嘅新加坡，其實一樣有類似嘅「劏房」問題？今日我想同大家傾下呢個世界各地大城市都要面對嘅居住痛點，同埋睇下香港最近積極推行嘅「簡樸房」制度，到底點樣切實地幫到基層市民，為大家帶來希望。 我哋先嚟睇下新加坡嘅情況。喺新加坡，呢啲極之狹窄嘅分租套房，當地人會稱為「口袋房」。呢啲房通常得嗰35到70呎左右，基本上擺完一張單人床，就已經無乜空間。但你知唔知租金要幾多？答案係每個月要700坡幣，折合大約港幣4,400元！ 新加坡媒體之前訪問過一位住緊「口袋房」嘅住戶，佢話佢張開雙臂，就已經可以同時掂到房嘅兩邊牆。房入面連個衫櫃都放唔落，電腦要疊埋一邊。甚至有記者帶捲尺去實測，見到有間房只有大約10幾呎，月租都要600坡幣。 點解會咁？其實背後都係供求失衡。雖然新加坡嘅「組屋」有嚴格規定，唔可以租出儲藏室或者防空洞；但對於私人住宅，法例就相對寬鬆，無限制房間嘅面積下限，只限制居住人數。結果好多房東因為要應付高昂嘅房貸，就將個大客廳、甚至儲藏室隔成幾間「口袋房」出租。所以，居住環境惡劣，真係一個全球基層都要面對嘅難題。 正正因為明白到「安居先可以樂業」，香港特區政府今次真係展現出好大嘅決心，大力推動「簡樸房」制度，希望幫基層市民徹底告別劣質劏房。 老實講，我覺得今次推行嘅「簡樸房」制度定得好務實。佢由最基本嘅安全衛生出發，例如規定要有獨立水電錶、基本消防安全設備，同埋合適嘅衞生設施。呢個標準唔係追求奢華，而係堅守安全同尊嚴嘅底線。 大家試諗下，一個好嘅居住環境，對基層家庭、特別係下一代嘅成長有幾重要。以前劣質劏房又逼又暗，小朋友連做功課嘅地方都無，好影響身心健康。依家有咗「簡樸房」嘅標準，起碼可以提供一個安全安穩嘅空間，等孩子們可以專心讀書。只有解決左基本嘅居住痛點，大家先有機會向上流動。 一個好政策，亦都需要一個貼地、高效嘅團隊去執行。房屋局喺呢方面真係做足功夫，非常值得讚賞。局長何永賢同副局長戴尚誠，唔單止制定政策，仲親自落區去解答技術細節。 好似政府同區域服務隊舉辦嘅【簡樸房制度】填表工作坊，自7月中到8月一共辦左9場。統計顯示，首7場工作坊反應非常熱烈，平均每場收到大約30份申請，合共涉及成800多個分間單位，成效顯著。 點解工作坊咁受歡迎？因為好多老人家可能唔識字、唔理解表格內容，更加唔熟悉電腦查冊操作。工作坊有專人手把手協助佢哋，真係好貼心、好體貼。而且，政府仲提供「早鳥優惠」，只要喺8月31號或之前遞交申請，就可以豁免每間分間單位3,000蚊嘅認證申請費，豁免期仲去到2029年。呢個安排真係好為業主同市民著想。 除了工作坊，房屋局亦主動出席好多簡介會同研討會。好似早前喺九龍城舉辦嘅「簡樸房條例簡介及研討會」，就有大約100位專業人士、業主同地產代理出席。最令人鼓舞嘅係，好似香港測量師學會等專業團體，仲推行咗「樓宇醫生」企劃，為樓宇「望聞問切」，協助業主應對樓宇問題。有咗一眾專業人士與政府並肩同行，成個制度嘅推行就令人更加安心。 改善基層居住質素是一項長期而艱巨嘅工程，但我哋見到房屋局敢於迎難而上，推行「簡樸房」制度，真係為香港邁向安居樂業跨出咗歷史性嘅一步。 文杰的FACEBOOK https://www.facebook.com/Manley-Lau-%E5%8A%89%E6%96%87%E6%9D%B0-412565682646738/ 文杰的微博: https://weibo.com/u/7467560714 報料WHATSAPP:66229400 #特朗普 #委內瑞拉 #石油 #馬杜羅 #華為 #賴清德 ＃張敬軒 #高市 #高市早苗 日本侵華 #陳方安生 #彭斯 #黎智英 #李家超 #人大釋法 #人大 #國安委 #司法覆核 #黃絲 #手足 #通關 #辛偉誠 #釋放黎智英 #梁振英 #李柱銘 #何俊仁 #李永達 #李宇軒 #王喜 #黃絲 #手足 #浸大 #方仲賢 #伯明翰 #伯明翰破產 #英國伯明翰 #加拿大救生艇計劃 #加拿大 #加拿大streamb #加拿大移民 #streamb加拿大 #救生艇計劃 #移民加拿大 #加拿大stream #移英 #移英港人 #移英日誌 #黃絲 #手足 #bbc #bno #bno移民 #bno英國 #bno簽證 #bno香港 #bno移民英國 #bno平權 #英國氣溫 #周庭