公務員加薪迷思 若不加薪影響全港打工仔！商界會跟隨凍薪！/文杰新時代/2026年5月28日

公務員加薪迷思 若不加薪影響全港打工仔！商界會跟隨凍薪！ 今日同大家講一個好熱門嘅話題，就係「公務員加薪」。今日政府就出左個調查結果啦，相信大家今日睇新聞都會見到。每次講到呢啲題目，網上嘅討論都好激烈。有人會話：「而家財赤喎，仲加？」或者見到一兩宗負面新聞，就覺得公務員唔值加人工。 但我今日想同大家退後一步，用一個多角度、理性啲嘅方式去睇下呢件事。其實公務員加人工，絕對唔係「分公帑」咁簡單，背後其實同我哋每一個打工仔都有關聯。 第一，我哋要睇返公務員團隊整體嘅表現。大家可能平時未必留意，其實香港公務員喺國際上係好受認可㗎。喺最新嘅《2025年世界競爭力年報》入面，香港喺「政府效率」呢一項係排全球第二位！呢個唔係口講口賠，係實實在在嘅國際評價。 另外，大家見到近期落成嘅中九龍幹線、粉嶺繞道，呢啲大型基建可以咁順利、甚至提前做好，背後其實係好多專業職系嘅公務員喺度默默耕耘。仲有我哋啲工務部門，例如發展局同水務署，喺日內瓦國際發明展攞咗幾十個獎。呢啲表現其實反映咗，我哋公務員團隊係一支專業、而且非常有執行力嘅隊伍。 第二，有樣野我一定要提醒大家，呢樣嘢同我哋一眾私營市場打工仔息息相關。 我留意到網上有一啲流言，話最好公務員「凍薪」或者唔好加咁多。但大家諗深一層，政府係全港最大僱主，佢嘅薪酬調整係有「帶頭作用」同埋「指標性」嘅。 如果政府帶頭唔加人工，邊個最開心？其實係一班商界老細呀！佢哋大可以攞呢樣嘢做藉口，同員工講：「你睇，政府都唔加啦，出面經濟環境係咁㗎啦，我哋都要跟隨大環境。」到時商界老細就可以堂而皇之咁壓低人工支出，受苦嘅反而係我哋一班私人市場嘅打工仔。所以，政府合理加人工，其實係幫緊全港打工仔守住個薪酬升幅嘅空間，唔好畀商界有藉口減人工或者唔加人工。 第三，我哋要明白公務員加薪係有「漣漪效應」嘅。今次加薪唔單止係影響嗰17萬公務員，仲直接掛鈎咗成千上萬嘅醫護人員、社福機構員工，仲有津貼學校嘅老師。大家諗下，醫護人員過去幾年幾咁辛苦，社福機構又要處理咁多社會問題，為佢哋爭取合理加薪，其實係一種公道。如果公務員凍薪，呢班前線專業人士都會受影響，咁樣對士氣打擊其實好大。 第四，關於「個別表現」同「機制」嘅問題。我知道有市民覺得某啲公務員做得唔夠好，但其實我哋應該支持政府去強化「評核制度」同「獎優罰劣」嘅機制，好似而家推行緊嘅「部門首長責任制」，邊個做得唔好就去追究邊個，而唔係因為個別一兩個人嘅表現，就去抹殺成個團隊嘅努力。 最後，其實公務員加薪對經濟都有正面作用。公務員同受資助機構嘅員工係香港中產嘅重要組成部分。佢哋人工有合理調整，先有信心去消費，去帶動零售同餐飲業。加上私人市場好似匯豐、國泰、港鐵呢啲大機構今年都已經加咗人工，政府作為最大僱主，適度調薪維持員工嘅購買力，其實係好合情合理嘅做法。 所以話，大家睇呢件事嘅時候，除咗睇個「錢」字，仲要睇埋個「理」字。支持一支專業、有士氣嘅公務員團隊，其實對香港長遠發展、對我哋整體打工仔嘅權益，都係一件好事。 文杰的FACEBOOK https://www.facebook.com/Manley-Lau-%E5%8A%89%E6%96%87%E6%9D%B0-412565682646738/ 文杰的微博: https://weibo.com/u/7467560714 報料WHATSAPP:66229400 #特朗普 #委內瑞拉 #石油 #馬杜羅 #華為 #賴清德 ＃張敬軒 #高市 #高市早苗 日本侵華 #陳方安生 #彭斯 #黎智英 #李家超 #人大釋法 #人大 #國安委 #司法覆核 #黃絲 #手足 #通關 #辛偉誠 #釋放黎智英 #梁振英 #李柱銘 #何俊仁 #李永達 #李宇軒 #王喜 #黃絲 #手足 #浸大 #方仲賢 #伯明翰 #伯明翰破產 #英國伯明翰 #加拿大救生艇計劃 #加拿大 #加拿大streamb #加拿大移民 #streamb加拿大 #救生艇計劃 #移民加拿大 #加拿大stream #移英 #移英港人 #移英日誌 #黃絲 #手足 #bbc #bno #bno移民 #bno英國 #bno簽證 #bno香港 #bno移民英國 #bno平權 #英國氣溫 #周庭