宏福苑未賣盤 隨時渣都無 為家人盡快簽協議！/文杰新時代/2026年10月7日

宏福苑未賣盤 隨時渣都無 為家人盡快簽協議！ 唔經唔覺，宏福苑「特設銷售計劃」選樓程序已經展開咗，過去幾日已經有業主陸續到場揀樓。據了解，開始揀樓嘅頭三日，已經有大約一百戶申請者完成揀樓，平均每日安排三十多戶，等業主可以有足夠時間睇清楚資料、比較唔同單位，再慢慢作出決定。當中唔少業主已經揀到心儀單位，亦有人傾向選擇較快落成嘅項目。政府提供嘅單位入面，大約七成售價低於四百萬元，希望可以俾宏福苑居民多啲選擇同彈性。 見到有業主已經順利揀樓，反映安置工作正有序推進。不過，房屋局都再次提醒，仍未完成相關法律程序嘅業主，一定要留意10月15日呢個重要限期。宏福苑A至H座八座單位嘅業主，如果已經喺8月31日或之前，交回填妥及簽署嘅「接受收購建議信件」，不論當日作出邊一個選項，都需要喺10月15日限期屆滿當日或之前，完成簽署出售宏福苑單位嘅《買賣協議》。 簽署《買賣協議》唔只係一個行政步驟，而係關乎之後選樓、業權轉讓，同埋購買新單位嘅安排。完成簽署嘅申請者，法律上已經確認向政府出售其持有嘅宏福苑業權，之後就會按電腦隨機抽籤嘅優先次序，分批獲邀選樓。整個揀樓程序預計會喺11月底完成。 如果有業主因為特殊情況，暫時未能夠完成簽署，但其後喺「特設銷售計劃」選樓期結束之前完成簽署，仍然會獲邀選樓。不過，如果相關宏福苑單位嘅業權尚未正式轉讓予政府，房屋局只會先喺選樓階段為有關業主預留一個新單位，等原有宏福苑單位業權完成轉讓之後，房委會或者房協先會同業主簽訂購買新單位嘅《買賣協議》或者《臨時買賣協議》，所以都係越早完成就越好喇。 喺各位業主忙住處理選樓同文件嘅同時，政府亦都進行緊一連串跟進部署。特首李家超早前見傳媒時表示，宏福苑大火發生之後，政府即時成立三個工作小組，分別處理調查及強化規管、統籌募捐同支援，以及安排應急住宿同長遠妥善安置災民。其後，政府亦成立獨立委員會，查明事故成因，防止同類事件再次發生，同時追究相關責任。 特首講明，待獨立委員會提交報告之後，政府會即時研究同跟進報告內容，並喺短期內盡快推行全面改革，屆時亦會就責任追究同具體改革措施作詳細公布。政府早前已經提出多項優先改革措施，包括加強消防裝置規管、強化專業人士同承建商嘅紀律處分及懲治、提高業主大會合規運作、研究圍標刑事化，以及加強工程招標、評標同預審名單等安排，目的係堵塞制度漏洞，保障居民安全。 相信大家都明白，宏福苑業主經歷火災之後，要同時面對住屋、家庭、法律文件、財務安排同情緒壓力，過程絕對唔容易。部分業主可能因為特殊情況，例如業權未能釐清、需要較長時間處理遺產承辦，或者因為身體、家庭、法律程序等原因，未必能夠即時簽署《買賣協議》。房屋局亦都會本着情、理、法兼備，以及「以情為先」嘅原則，按個別情況酌情考慮，作出適切安排，政府亦會喺限期前通知相關業主。 發言人亦都再三提醒，仲未簽署《買賣協議》嘅業主，應該盡快核對手上文件，了解自己個案情況，主動聯絡負責個案嘅「解說專隊」職員，查詢下一步需要點樣處理。政府會繼續同宏福苑業主保持溝通，協助大家穩妥處理安置同選樓安排，同時嚴肅跟進改革同問責工作，向居民同社會作出清楚交代。 文杰的FACEBOOK https://www.facebook.com/Manley-Lau-%E5%8A%89%E6%96%87%E6%9D%B0-412565682646738/ 文杰的微博: https://weibo.com/u/7467560714 報料WHATSAPP:66229400 #特朗普 #委內瑞拉 #石油 #馬杜羅 #華為 #賴清德 ＃張敬軒 #高市 #高市早苗 日本侵華 #陳方安生 #彭斯 #黎智英 #李家超 #人大釋法 #人大 #國安委 #司法覆核 #黃絲 #手足 #通關 #辛偉誠 #釋放黎智英 #梁振英 #李柱銘 #何俊仁 #李永達 #李宇軒 #王喜 #黃絲 #手足 #浸大 #方仲賢 #伯明翰 #伯明翰破產 #英國伯明翰 #加拿大救生艇計劃 #加拿大 #加拿大streamb #加拿大移民 #streamb加拿大 #救生艇計劃 #移民加拿大 #加拿大stream #移英 #移英港人 #移英日誌 #黃絲 #手足 #bbc #bno #bno移民 #bno英國 #bno簽證 #bno香港 #bno移民英國 #bno平權 #英國氣溫 #周庭