支聯會犯國安法案 李卓人 何俊仁 鄒幸彤 全部坐監！更要罰錢！/文杰新時代/2026年9月11日

支聯會犯國安法案 李卓人 何俊仁 鄒幸彤 全部坐監！更要罰錢！ 今日法庭宣布咗「支聯會」煽動顛覆國家政權案嘅判刑結果：「支聯會」被罰款港幣150萬元，須於三個月內繳交；李卓人判監7年，何俊仁判監5年2個月，鄒幸彤判監7年3個月。 今次判刑結果，正正反映案件性質極為嚴重。呢個判刑唔單止係意料中事，亦都對一啲蠢蠢欲動、別有用心、企圖挑戰國安底線嘅人，發揮清晰嘅震懾作用。任何人都唔好試探香港維護國家安全嘅決心，亦唔好質疑法庭依法作出公平、公正嘅審訊同裁決。 「支聯會」案嘅結果清楚顯示，任何人、任何組織，如果打住所謂政治理念旗號，長期煽動他人以非法手段挑戰憲制秩序、破壞國家根本制度，絕對係極為嚴重嘅罪行，唔可以用「自由」或者「理念」去包裝，更加唔可以凌駕法律之上。 根據判刑理由書，法庭指出，案發時間長達14個月，並唔係一次半次、偶然失言，而係持續、多次透過活動、刊物、網上平台同社交媒體作出煽動。支聯會成立超過30年，幾名被告都係社會上有一定知名度嘅人士，具備一定動員力同影響力。佢哋嘅言行接觸面廣，影響唔同年齡層，所造成嘅潛在危害絕對唔可以低估。 即使案件無涉及暴力，仍然屬於情節嚴重。因為煽動罪嘅危險，正正係透過言論、宣傳同動員，將破壞法治、危害國家安全嘅種子散播出去。一旦有人受到煽動，後果可以非常嚴重，所以法庭必須嚴肅處理。 警務處國家安全處總警司李桂華亦講得好清楚，從三人被判刑期，可以睇到佢哋罪責極其嚴重。他又指出，鄒幸彤毫無悔意、冥頑不靈，所以刑期最高係意料中事。李桂華亦提到，被告長期持續對中國共產黨同中央政府懷有敵意，堅持對抗，試圖透過挑起敵意同分化，令其他人失去信任，從而達到破壞根本制度嘅目的。所以，成單案件嘅核心問題，並唔係一般批評，亦唔係普通表達意見，而係有目的、有持續性地煽動顛覆國家政權，呢一點，正正係案件嚴重性所在。 而且，喺國安法生效之後，被告仍然繼續相關煽動行為，無視法律紅線。佢哋並唔係唔明白當中風險，而係拒絕臨崖勒馬，一意孤行，明知故犯。三名被告當中，有律師、大律師，亦有長年活躍政界嘅人士，理應更加清楚自己言行會帶來法律後果，但佢哋仍然利用自身影響力去推動違法主張，罪責自然更加嚴重。 今次審訊同香港其他刑事審訊一樣，公平、公正、公開、透明；檢控方用最高刑事標準舉證，被告亦有充分時間、空間同程序作出辯護，法官聽取控辯雙方後，喺毫無疑點下定罪，咁正正反映法庭係根據證據、法律同案件嚴重性作出判斷。危害國家安全唔係普通罪行，而係直接衝擊香港憲制秩序、社會穩定同市民安寧嘅重大罪行。 法律面前，人人平等，任何人如果試圖挑戰國安底線，都必須承擔法律後果。今次判刑有清晰嘅震懾作用，亦再次反映維護國家安全嘅重要性。任何人如果蠢蠢欲動，企圖挑戰法律，都必須引以為戒，千祈唔好試探香港維護國家安全嘅決心。香港經歷過動盪，更加明白穩定得來不易。只有依法懲治危害國家安全嘅行為，堅決維護國家安全，社會先可以安寧，香港先可以集中精力發展經濟、改善民生、重建秩序，向前邁進。 文杰的FACEBOOK https://www.facebook.com/Manley-Lau-%E5%8A%89%E6%96%87%E6%9D%B0-412565682646738/ 文杰的微博: https://weibo.com/u/7467560714 報料WHATSAPP:66229400 #特朗普 #委內瑞拉 #石油 #馬杜羅 #華為 #賴清德 ＃張敬軒 #高市 #高市早苗 日本侵華 #陳方安生 #彭斯 #黎智英 #李家超 #人大釋法 #人大 #國安委 #司法覆核 #黃絲 #手足 #通關 #辛偉誠 #釋放黎智英 #梁振英 #李柱銘 #何俊仁 #李永達 #李宇軒 #王喜 #黃絲 #手足 #浸大 #方仲賢 #伯明翰 #伯明翰破產 #英國伯明翰 #加拿大救生艇計劃 #加拿大 #加拿大streamb #加拿大移民 #streamb加拿大 #救生艇計劃 #移民加拿大 #加拿大stream #移英 #移英港人 #移英日誌 #黃絲 #手足 #bbc #bno #bno移民 #bno英國 #bno簽證 #bno香港 #bno移民英國 #bno平權 #英國氣溫 #周庭